काठमाडौं– साउन १८ गते अर्थात यही शुक्रवारदेखि प्रदर्शनमा आउने नयाँ नेपाली फिल्म ‘मोदीबेनी’ का कलाकारहरू वर्षा सिवाकोटी तथा अमर प्रताप श्रेष्ठले बागमती नदीमा र्याफ्टिङ गरेका छन् । नेपाल नदी संरक्षण संस्था, फ्रेन्ड्स क्लब र बागमती सफाइ महाअभियानको सहकार्यमा बागमती नदी महोत्सव महाजल जात्रा अन्तर्गत गत शनिवार र्याफ्टिङको शुभारम्भ भएको थियो । थापाथली पुलदेखि चोभारसम्म वर्षा र अमरले र्याफ्टिङ गरेका थिए । त्यस क्रममा अभिनेत्री वर्षा सिवाकोटीले नदी संरक्षणमा राज्यको दायित्व हुनुपर्ने बताइन् भने अभिनेता अमरप्रताप श्रेष्ठले यो अभियानलाई सबैले मिलेर सफल बनाउन पर्ने र काठमाडौंमा नै र्याफ्टिङको मज्जा लिन पाउँदा ...