काठमाडौं– यही जेठ २५ गतेदेखि प्रदर्शनमा आउने फिल्म ‘गाउँ आएको बाटो’ मा अभिनेता दयाहाङ राईले परिपक्व अभिनय देखिने निर्देशक नवीन सुब्बाले दावी गरेका छन् । उभौली पर्वको अवसर पारेर बिहीवार काठमाडौंमा फिल्मको ट्रेलर सार्वजनिक गर्ने कार्यक्रममा निर्देशक सुब्बा भन्दै थिए– ‘यो दयाहाङले अत्यन्त अब्बल काम गरेको फिल्म हो । अन्य फिल्ममा पनि राम्रै काम गर्नु भएको छ । तर, यो फिल्ममा दयाको अभिनयमा आएको बदलाव देखिन्छ, परिक्व अभिनय छ ।’ अभिनेता दयाहाङ राईले सन् २००९ तिरै यो फिल्म बन्ने चर्चा सुनेका थिए । तर, त्यतिबेला यो फिल्मको अभिनेताको भूमिकामा आफू ...