काठमाडौं– नवराज विकसहित ६ जनाको हत्या हुनेगरी भएको रुकुम पश्चिमको सोती घटनामा संलग्न रहेको आरोपमा ३४ जनामध्ये २३ जनालाई अदालतले जन्मकैदको फैसला सुनाएको छ । रुकुम जिल्ला अदालतले थुनामा रहेका २३ जनालाई मंगलवार जन्मकैदको फैसला सुनाएको हो । आइतबारदेखि रुकुम जिल्ला अदालतमा जारी सुनुवाइपछि न्यायाधीश खड्गबहादुर केसीको इजलासले घटनामा संलग्न रहेकामध्ये २३ जनालाई दोषी ठहर गर्दै जन्मकैदको फैसला सुनाएको हो । अदालतले ज्यान मुद्दामा प्रतिवादी बनाएका मृतक नवराज विककी प्रेमिका, उनकी आमा तथा भाइलाई भने जातीय छुवाछुतमा दोषी ठहर गर्दै दुई वर्षको जेल सजाय सुनाएको छ । घटनामा संलग्न ...