काठमाडौं– सानो पर्दाको लोकप्रिय कार्यक्रम ‘सक्किगोनि’ टिमका निर्देशक तथा कलाकार कुमार कट्टेलको जन्मदिनको अवसर पारेर नयाँ नेपाली फिल्म ‘लाज शरणम्’ को औपचारिक निर्माण घोषणा गरिएको छ । शुक्रवार काठमाडौंमा आयोजित एक कार्यक्रमबीच फिल्म निर्माण घोषणा गरिएको हो । फिल्म निर्माण घोषणा कार्यक्रममा मिडिया हबका सञ्चालक सोम धिताललाई कदर–पत्र तथा दोसल्लासहित सम्मान गरिएको थियो । फिल्मको मार्केटिङ तथा ब्राण्डिङ पाटर्नरको रुपमा एडी रिलिजसँग समारोहमै सम्झौता गरिएको छ । फिल्ममा जिग्री पाँडे टिमका तर्फबाट कुमार कट्टेलले फिल्मको लेखन तथा निर्देशन गर्नेछन् । फिल्मका निर्मातामा नवीन श्रेष्ठ तथा सह–निर्मातामा राम नरेश शाह रहेका छन् ...