काठमाडौं- नेपाली फिल्म ‘महापुरुष’ युट्युबमा सार्वजनिक भएको छाेटाे समयकै दर्शकले रुचाएका छन् । लक्ष्मीपूजाको दिन गत कात्तिक १५ मा युट्युबमा सार्वजनिक गरिएको नेपाली फिल्मले मंगलवार दिउँसाेसम्म १५ लाख भ्यूज बटुलेकाे छ । फिल्म केन्द्र मोसन पिक्चर्सको युट्युब च्यानलमार्फत सार्वजनिक गरिएको थियो। करिब तीन हजार दर्शकले फिल्मको कथाले मन छोएको भन्दै प्रतिक्रियासमेत दिएका छन् । प्रदीप भट्टराईको लेखन तथा निर्देशन बनेको ‘महापुरूष’ सन्तान विदेसिएपछि एक्लिएका पिताको कथामा आधारित छ । फिल्ममा हरिवंश आचार्य, मदनकृष्ण श्रेष्ठ, गौरी मल्ल, अरुण क्षेत्री, अञ्जना बराइली, रवीन्द्र सिंह बानियाँलगायत कलाकारको अभिनय छ। २०७९ सालमा सिनेमा हलमा प्रदर्शन भएको ...