काठमाडौं– अभिनेता नाजिर हुसेन प्रायः चर्चामा आइरहने अभिनेताको नाम हो । केही अघि नाटक ‘हरि हजुरबा’ का कारण चर्चामा आएका यी अभिनेता अहिले यही माघ ११ गतेदेखि प्रदर्शनमा आउने नयाँ नेपाली फिल्म ‘मिसिङः केटी हराएको सूचना’का कारण चर्चामा छन् । फिल्मभन्दा पनि थियटरमा रमाउने नाजिर अन्य अभिनेता भन्दा केहि फरक भएको उनका फ्यानहरुको अनुभव रहेको छ । नाजिर अभिनयबाहेक कहिले बारीमा काम गर्दै देखिन्छन् त कहिल घाँस काट्दै गरेको । उनका यी अनौठा बानीहरुले नाजिरलाई दर्शकमाझ भिन्दै अभिनेता बनाएको छ । त्यसो त नाजिर आफैँले आफूलाई सिंगार्ने कुरामा पनि पोख्त छन् । ...