काठमाडौं– नेकपा एमालेको विद्यार्थी संगठन अनेरास्ववियुले मंगलवार बिहान एनसेलको मुख्य कार्यालय, लैनचौर अगाडि विरोध प्रदर्शन गरेको छ । एनसेलको शेयर खरिद–बिक्रीमा चलखेल भएको भन्दै त्यसको विरोधमा एनसेल कार्यालय अगाडि अनेरास्ववियुले विरोध प्रदर्शन गरेको हो । अनेरास्ववियुका उपाध्यक्ष गोविन्द गिरीका अनुसार प्रदर्शनमा सहभागीहरुले ‘एनसेल बाइकट’ भन्दै एनसेलका सीमकार्ड समेत जलाएका छन् । प्रदर्शनका क्रममा विद्यार्थीहरुले माफिया पोस्ने गठबन्धन सरकार मुर्दावाद, विवादास्पद एनसेल शेयर खरिद–विक्रीको छानबिन गर आदि नारा लेखिएका प्ले कार्ड बोकेका छन् । अनेरास्ववियुका अध्यक्ष समिक बडालका अनुसार उनीहरुले उठाएका मागहरु पूरा नभए एनसेलका गाडीहरुसमेत चल्न नदिने बताएका छन् । एनसेलको ८० प्रतिशत ...