काठमाडौं– नेपाली फिल्म क्षेत्रलाई भारतीय फिल्मदेखि हलिउडका फिल्मसम्मको प्रत्यक्ष प्रभाव पर्ने गरेको कुरा नौलो होइन । नेपालका अधिकांश सिनेमा हलमा भारतीय फिल्महरु भारत र विश्वजगतसंगै एकै दिन प्रदर्शन हुने भएपछि दर्शक पनि नेपाली फिल्मको साटो भारतीय फिल्ममै आकर्षित हुन्छन् भन्ने आम धारणामा निर्मातादेखि वितरकसम्मको हुन्छ । त्यसैले त यदि बलिउड/दक्षिण भारत अथवा हलिउडकै कुनै लोकप्रिय कलाकार अथवा ठूलो ब्यानरको फिल्म रिलिज हुने भयो भने नेपाली निर्माताले आफ्नो फिल्म उक्त फिल्मको रिलिज डेटसंग जुधाउन डराउँछन् र पछि हट्छन् । विगतदेखि नै हावि भएको यो कुरा हालसम्म पनि व्यवहारमा लागू भैरहेको छ ...