(फाइल तस्विर) काठमाडौं– अभिनेता सौगात मल्ल र अभिनेत्री सृष्टि श्रेष्ठले ब्रेकअपपछि पनि निरन्तर फिल्ममा सहकार्य गर्दै आइरहेका छन् । हालै फिल्म ‘भाइरल गोर्खे’ मा एकसाथ काम गरेका उनीहरूको अब अर्को फिल्म ‘बिनोद’ मा पनि सहकार्य गर्ने भएका हुन् । सौगात मल्लको मुख्य अभिनय रहने जानकारी दिँदै फिल्मको ‘एआई जेनेरेटड’ पोस्टर सार्वजनिक गरिएको छ । त्यो पोस्टर सृष्टिले पनि आफ्नो सामाजिक सञ्जालमा सेयर गरेकी छिन् । फिल्मको छायांकन आगामी मंसिरमा गरिने बताइएको छ । फिल्ममा प्रकाश घिमिरे, प्रवीण खतिवडा, दिव्य देव लगायको पनि अभिनय रहने छ । फिल्म सन् २०२५ मा रिलिज हुनेछ । ...