काठमाडौं– सत्य घटनामा आधारित नयाँ नेपाली फिल्म ‘नमेटिने घाउ’ को बुधवार सार्वजनिक दोस्रो पोस्टरमा पूर्व प्रधानमन्त्री माधव कुमार नेपाललाई प्रस्तुत गरिएको छ । पोस्टरमा नेता नेपालसहित फिल्मका मुख्य कलाकारहरुलाई चित्रण गरिएको छ । भदौ ७ गतेदेखि प्रदर्शनमा आउने यो फिल्मको यसअघिको पोस्टरमा प्रधानमन्त्री केपी शर्मा ओलीलाई प्रस्तुत गरिएको थियो । अभिनेता रमित ढुङ्गानाको निर्देशन तथा लगानीमा निर्माण भैरहेको यो फिल्म एसिड सर्भाइभरहरुको वास्तविक जीवनीमा आधारित छ । फिल्ममा एसिड आक्रमणमा परेका ३३ जना पीडितहरूको कथालाई समेटिएको छ । यो फिल्म लेखक शिवम अधिकारीले झण्डै साढे दुई वर्ष लगाएर लेखेका हुन् ...