काठमाडौं– यो वर्षको बडादशैँको महत्वपूर्ण दिन अर्थात फूलपातिको अवसर पारेर बिहीवारदेखि प्रदर्शनमा आएका तीन वटा नेपाली फिल्मले ओपनिङ डे अर्थात प्रदर्शनको पहिलो दिन आक्रमक व्यवसाय गरेका छन् । असोज २४ गतेदेखि प्रदर्शनमा आएका फिल्महरु मध्ये ‘छक्का पञ्जा–५’ व्यवसायिक रुपमा सबैभन्दा अगाडि देखिएको छ भने ‘ज्वाईँ साब’ तथा ‘१२ गाउँ’ ले पनि आकर्षक व्यवसाय गरेर दर्शकलाई मनोरञ्जनका लागि निर्मातालाई खुशी दिएका छन् । पहिलो दिन दीपकराज गिरी–दीपाश्री निरौला समुहको फिल्म ‘छक्का पञ्जा–५’ ले सबैभन्दा बढी शो पाएको थियो । यो फिल्मले मल्टिप्लेक्स तथा सिंगल थिएटरमा तीन सय भन्दा बढी शो पाएको ...