काठमाडौं– नेपाल चलचित्र संघले आफ्ना सदस्यको मान–मर्दन गर्ने फिल्मका निर्मातालाई कारवाही गर्ने चेतावनी दिएको छ । ‘पूर्ण बहादुरको सारङ्गी’ फिल्मका निर्माताले गलत व्यापारिक आँकडा उपलव्ध गराएको भन्दै फिल्म उतार्ने निर्णय गरेपछि संघले आफ्ना सदस्यको मान–मर्दन भएको बताएको हो । तथ्य–प्रमाण बिना आरोप लगाएको भन्दै संघले उक्त फिल्मको निर्माण कम्पनी सेभेज सिज इन्टरटेन्मेन्टलाई सबुत प्रमाणसहित उपस्थित हुन चेतावनी दिएको छ । फिल्मको व्यापारको हिसाब माग्ने अधिकार वितरकसँग मात्रै भएको पनि संघले स्पष्ट पारेको छ । कुन फिल्म लगाउने, नलगाउने र उतार्ने अधिकार निर्मातासँग नभएर वितरकसँग हुने पनि संघले जनाएको छ । सेभेन ...