काठमाडौं– नयाँ नेपाली फिल्म ‘रङ्गेली’ का दुई नयाँ क्यारेक्टर पोस्टर सार्वजनिक गरिएको छ । अभिनयमा पारंगत मानिएका अभिनेता प्रवीण खतिवडाको पात्र चित्रण गर्ने दुई पोस्टरमा उनलाई मान बहादुर ढकालको नाम दिइएको छ । पोस्टर अनुसार यो फिल्ममा उनी नेपाल प्रहरीको निरीक्षक बनेका छन् । यसअघि अभिनेताद्वय दयाहाङ राई, अर्पण थापा तथा अभिनेत्री मिरुना मगरको पात्र अनुसारका पोस्टर सार्वजनिक गरिएको थियो । ‘रङ्गेली’ मा खतिवडाको भूमिका बलियो रहेको निर्देशक अर्जुन सुवेदीले बताए । सुवेदीकै लेखन रहेको ‘रङ्गेली’ मा अर्पण, दयाहाङ, मिरुना, प्रवीण, रमेश बुढाथोकी लगायतको प्रमुख भूमिका रहेको छ । यो फिल्म आगामी फागुन ...