काठमाडौं– यही असार २८ गते शुक्रवारदेखि प्रदर्शनमा आउने नयाँ नेपाली फिल्म ‘घरज्वाइँ’ को मंगलवार साँझ कमलपोखरीस्थित बिग मुभिजमा आयोजित प्रीमियर शोमा फिल्ममा चित्रण गरिएको मगर संस्कृतिको खुलेर चर्चा गरिएको छ । प्रीमियर शोमा यो फिल्म हेरेपछि प्रतिनिधिसभाकी उपसभामुख इन्दिरा राना मगरले भनिन्– ‘यो फिल्मले मगर सम्प्रदायको, त्यो पनि पश्चिम तिरको हाम्रोमा पूर्व र पश्चिमको मगर छ । पश्चिमको मगरले खाम बोल्छन् । हामी पूर्वको मगर हामी चाहीँ मगर भाषा भन्छौं । हामी पनि पश्चिमबाट नै बसाई सरेर पूर्व पुगेका हौं । रुकुमको तकसेरा क्षेत्रको कथा उठान गरेको सिनेमाले टिपिकल कुराहरु ...