काठमाडौं– कलाकार प्रकाश सपूतले फिल्म निर्देशनमा डेब्यू गर्ने औपचारिक घोषणा गरेका छन् । आइतवार काठमाडौंमा आयोजित एक समारोहमा सपूतले आफ्नो निर्देशनमा बन्ने पहिलो फिल्मको शीर्षक ‘वसन्त’ भएको घोषणा गरेका छन् । मोहन विश्वकर्मा, अनुरोध भट्टराई तथा नेन्सी शेरचनको संयुक्त लगानीमा निर्माण हुने उक्त फिल्मले दलित युवकको प्रेम कथा बोल्ने निर्देशक सपूतले बताए । फिल्मको मुख्य भूमिकामा गायक सपूत नै प्रस्तुत हुनेछन् । उनलाई जोडीको रुपमा अभिनेत्री स्वस्तिमा खड्काले साथ दिनेछिन् । गलबन्दी प्रमेडक्सनको प्रस्तुतिमा तयार हुने यो फिल्मको कथा पनि गायकबाट निर्देशक बन्न लागेका सपूतले नै तयार पारेका छन् । ...