काठमाडौं– यही कार्तिक ३० गते शुक्रवारदेखि प्रदर्शनमा आउने अभिनेत्री नीता ढुंगानाद्वारा निर्मित फिल्म ‘ह्रस्व–दीर्घ’ को एउटा नयाँ मर्मस्पर्शी गीत ‘आमा नै भगवान हुन्…’ सार्वजनिक भएको छ । ओएसआर डिजिटल यूट्यूब च्यानलबाट मंगलवार साँझ सार्वजनिक यो गीतमा लोकप्रिय सत्यराज आचार्यको स्वर सुन्न सकिन्छ । बाबुल गिरी यो गीतका गीतकार, संगीतकार तथा एरेञ्जर हुन् । उनले नै यो गीतलाई मिक्सिङ गरेका छन् । यो गीतमा बाल गायक–गायिकाहरु स्वर्णीम कठायत, आयूष गिरी तथा ओजस्वी बजगाईंको पनि स्वर समावेश छ । लिरिकल शैलीको यो गीतमा अभिनेत्री विपना थापाले मन छुने अभिनय गरेकी छिन् । ...