काठमाडौं– सञ्चार तथा सूचना प्रविधि मन्त्री रेखा शर्माले नयाँ नेपाली फिल्म ‘सतीदेवी’ प्रति चासो व्यक्त गर्दै नेपालमा यस प्रकारका मौलिक, यथार्थपरक फिल्म निर्माणमा जोड दिनुपर्ने बताएकी छिन् । मन्त्री शर्मा र ‘सतीदेवी’ का लेखक, निर्माता, निर्देशक लक्ष्मण सुवेदीबीच बुधवार मन्त्री शर्माकै कार्यकक्ष सिंहदरवारमा भएको भेटघाटमा नेपाली फिल्म क्षेत्रको विकास, विस्तार र श्रीवृृद्धिका लागि मौलिक कथा प्रस्तुतिमा जोड दिनुपर्ने मन्त्री शर्माको राय थियो । मन्त्री शर्माले ‘सतीदेवी’ नारीप्रधान, मौलिक कथामा निर्माण भएको सुनेकाले आफूलाई रुचि लागेको बताएकी थिइन् । निर्देशक सुवेदीले मन्त्री शर्मालाई आफ्नो फिल्मको विषयवस्तुको बारेमा विस्तृतमा व्याख्या ...