काठमाडौं- फिल्म निर्देशक सुदर्शन थापा पक्राउ परेका छन् । फिल्म ‘प्रसाद २’ को विवादमा उनलाई पक्राउ गरिएको जनाइएको छ । निर्माता सुदर्शन बस्नेतले आफ्नो मन्जुरीबिना फिल्म ‘प्रसाद–२’लाई प्रदर्शन गरेर डेढ करोड रुपैयाँ ठगी गरेको भन्दै थापाविरुद्ध प्रहरीमा जाहेरी दिएका थिए । आपराधिक विश्वासघात गरेको आरोपमा निर्माता बस्नेतले निर्देशक थापाविरुद्ध पनि जाहेरी दिएका थिए । उनीविरुद्ध प्रहरी वृत्त बौद्धमा परेको उजुरीको आधारमा पक्राउ गरिएको जिल्ला प्रहरी परिसर काठमाडौंले बताएको छ । थप अनुसन्धानका लागि उनलाई अहिले बौद्ध प्रहरी वृत्तमा लगिएको छ।