अरुणा भट्टराई– काठमाडौं– पछिल्लो समय नेपाली फिल्म क्षेत्रले एउटा लय समातेको अनुभव गर्न थालिएको छ । पछिल्लो केही महिनायता प्रदर्शन भैरहेका अधिकांश फिल्महरुले व्यवसायिक सफलताको झण्डा गाड्न सफल भएका छन् भने कतिपय फिल्मले त स्वदेशमात्र होइन विदेशमा समेत उत्कृष्ट व्यवसाय गरेका समाचारहरु सार्वजनिक भैरहेका छन् । त्यसैले पनि अहिले नेपाली फिल्म क्षेत्रको अवस्था विगतको तुलनामा निकै सुधारिएको छ भन्दा फरक पर्दैन । वास्तवमा अघिल्लो वर्ष अर्थात २०८० को उत्तरार्धदेखि नेपाली फिल्म क्षेत्रको व्यवसायमा हरियाली छाएको हो । यो अवधिमा प्रदर्शन भएका अधिकांश फिल्महरुले उत्कृष्ट व्यवसाय गर्दा केही फिल्महरु भने व्यवसायिक रुपमा ...